Elder-rays: tavsifi, sozlanishi va qo'llanishi

Elder Nurlari Texnik Indikatori (Elder-Rays) - bu indikatorlar va ossillyatorlar trendini kuzatuvchi xossalarning birlashmasidir. Ular kuzatib boruvchi indikator sifatida eksponensial sirpanuvchi o'rtacha (EMA, eng yaxshi davri 13)dan foydalanadi. Ossillyatorlar buqa va ayiqlarning quvvatini aks ettiradi. Elder Nurlarini yasash uchun uchta diagrammadan foydalaniladi: birida narxlar va EMA, qolgan ikkitasida - Buqalar Kuchi Ossillyatori (Bulls Power) va Ayiqlar Kuchi Ossillyatori (Bears Power).

Elder-Rays ham alohida, ham boshqa metodlar bilan birgalikda foydalaniladi. Agar ulardan alohida foydalanilsa, u holda EMA og'ishi trendning yo'nalishini belgishashini hisobga olish lozim. Buqalar va ayiqlar kuchining ossillyatorlari pozitsiyalarni ochish/yopish paytini aniqlash uchun qo'llaniladi.

Xarid qilish tavsiya qilinadi, agar:

o'suvchi trend mavjud bo'lsa (EMA yo'nalishi bilan aniqlanadi);

Ayiqlar Kuchi Ossillyatori manfiy, lekin shuning bilan birga o'sadi;

Buqalar kuchi Ossillyatorining oxirgi cho'qqisi oldingisidan yuqoriroq joylashgan bo'lsa;

Ayiqlar Kuchi Ossillyatori buqa divergensiyasidan so'ng o'ssa.

Ayiqlar Kuchi Ossillyatorining musbat qiymatlarida xaridlardan o'zini tutib turish kerak.

Sotish tavsiya etiladi, agar:

pasayuvchi trend mavjud bo'lsa (EMA yo'nalishi bilan aniqlanadi);

Buqalar Kuchi Ossillyatori musbat, lekin asta-sekin kamayib bormoqda;

Ayiqlar kuchi ossillyatorining oxirgi chuqurligi avvalgisidan pastda joylashgan bo'lsa;

Buqalar Kuchi Ossillyatori ayiq divergansiyasidan chiqqan holda kamayib bormoqda.

Qisqa pozitsiyalarni ochmaslik tavsiya etiladi, agar Bulls Power ossillyatori manfiy bo'lsa.